Shinova talde bizkaitarraren bigarren diskoa kaleratuko da martxoan
‘La ceremonia de la confusión’ izango da lanaren izena
Testua: Leire Regadas
Shinova rock taldearen lan berria da La ceremonia de la confusión, eta martxoan kaleratuko da. Latidos-en baino soinu metaleroagoa dakarte oraingoan, bihotzeraino zuzenean doazen letrekin eta melodiekin bat egiten duena.
Talde bizkaitarraren lehenengo lana Latidos izan zen, 2009.urtean. DFX zigiluarengatik babesturik, gazte hauek euskal eta espainiako musikaren munduan beraien bidea egiten hasi ziren. Entzuleek oso harrera ona izan zuten, eta inkesta baten arabera, Mariskal Rock aldizkariaren irakurleen iritziz, urteko debut talderik onena izan zen.
Entzulea pentsatzera gonbidatzen duten eta sentimenduz beteriko letrekin batera, doinu indartsuagoak izango dira entzungai La ceremonia de la confusión diskoan. Javi Martín taldeko gitarrak adierazi duenez: «Disko hau metaleroagoa da, egia esan oso gustura geratu gara egindakoarekin, eta espero dugu jendeak ere harrera ona izatea».
Martxoan kaleratuko den lan hau Estoldetan Studios-en grabatu da Berrizen (Bizkaia), Madrileko Sadman Studios-en nahastu da Carlos Santos-en eskutik, eta Finlandian masterizatu da Finvox Studios-en Mika Jussila-ren eskutik, zeinek Nightwish, Him, Avantasia eta Children of Bodom bezalako taldeekin lan egin duen.
Gabriel de la Rosa abeslariak, Eneko Urcelay bateriak, Ander Cabello baxuak, Javi Martín gitarrak eta oraingo honetan Iñaki Elortza Akaro-ren ordez sartu berri den Xabier Laria bigarren gitarrak osatzen dute Shinova, laster hainbat eszenatokien gainean azken lana aurkezten egongo direnak.
-----------------------------------------------------
Informazio gehiago:
www.myspace.com/shinovagrupo
Posted in: 
0 iruzkin:
Post a Comment