Barbara Goenagak eta Marta Eturak aurkeztuko dituzte 59. Zinemaldiko galak

• Galak zuzenean jarraitu ahal izango dira TVEn eta ETBn, telebista bi hauen webguneetan eta Zinemaldiko webgune ofizialean.


• Ikus-entzuleek zuzenean parte hartu ahal izango dituzte facebook bitartez

Barbara Goenaga eta Marta Etura aktore donostiarrek aurkeztuko dituzte Donostiako Zinemaldiko 59. edizioako galak. Edurne Ormazabalek zuzendutako galek zinemaldiaren etorkizuna izango dute ardatz, bertan nazioarteko zinemagintzako hainbat pertsonak zazpigarren artearen etorkizunari buruzko beren ikuspegia plazaratuko dute. Jendearen parte hartzea bultzatze aldera publikoak galetan zuzenean zinemagintzaren geroari buruzko iritzia eman ahal izango dute horretarako facebook sare soziala erabiliz. Parte hartzaileen artean Zinemaldiko gala eta beste saio batzuetara joateko sarrerak zozketatuko dira.

Inagurazio gala irailaren 16an izango da 21:00etan  eta amaierako gala berriz irailaren 24an 20:30etan. Aurten,  lehenengo aldiz, palmarens ofiziala amaierako galan jakinaraziko dute.

Read more »

Intrudes filmarekin hasiko da 59. zinemaldia

Datorren Zinemaldiaren 59. edizioa Juan Carlos Fresnadillo zuzendariaren Intrudes filmarekin hasiko da. Intrudes, thriller fantastikoa da. besteak beste, Clive Owen, Carice van Houten, Daniel Brühl, Pilar López de Ayala eta Kerry Fox nazioarteko izarren lana dakarrena. Filmaren gidoiaren egileak Nicolás Casariego idazlea (Cazadores de Luz eleberriarekin, Nadal Sariaren finalista) eta Jaime Marqués zuzendaria (Ladrones) dira.

Intruders mehatxuzko presentziengatik bizimodua aldatu beharko duten bi familien istorio paraleloen kontakizuna da: batetik, Espainian, ama batek semea babestu beharko du oldartu zaion aurpegi gabeko ezezagun batengandik; aldi berean, Ingalaterran, neskatila bati Carahueca izeneko mamua agertzen zaio amesgaiztoetan, azkenerako, neskatilarentzat eta haren senideentzat egiazko arrisku bihurtuko dena.

 

Read more »