Testua: Ander Barinaga-Rementeria
Argazkiak: Julen Hernandez eta Jaime García
[slideshow]
Teatro El Cruce-ren ekoizpen hau bost asteko entseguen ondoren, iragan martxoaren 3an estreinatu zen Teatro Español antzokiaren Areto Txikian. Ernesto Caballero zuzendariak “publikoarekin harreman ona” lortu ondoren Bilboko BBK Hurbiltasun antzokira helburu berberarekin etorri direla adierazi du.
Antzerki barrokoan egiten zen bezala, hiru obra autonomo bildu dituzte Santo izeneko antzezlan bakarrean. Santutasuna abiapuntutzat hartuta espiritualtasuna, misterioa eta justizia bezalako gai mamitsuak landu nahi izan dituztela adierazi du Caballerok.
Aitana Sánchez-Gijón aktoreak “pertsonaia batetik bestera aldatzea erronka izugarria” dela esan du gaur goizean Bilbon emandako prentsaurrekoan. Izan ere, hiru pertsonaia ezberdin antzezten ditu aktore bakoitzak. Zati batetik bestera istorioz aldatzeaz gain, generoa bera ere aldatu egiten dela adierazi du Esther Acevedo aktoreak. Pertsonaiak ere “nahiko bereziak” direla gaineratu du eta aktoreak hirurotako batekin identifikatuago sentitzen diren modu berean, ikusleak eurak ere batekin identifikatuago sentituko direlakoan dago Acevedo. José Luis Esteban aktore zaragozarrak ere berdina esan du.
Zurbaranen Angus Dei izeneko lanaren irudiak osatzen du José Luis Raymond bilbotarrak diseinaturiko eszenografia eta Paco Arizaren argiztapena funtsezko bilakatzen da istorio batetik besterako trantsizio prozesuan.
Ikusleari egiaren inguruko gogoeta egiteko gonbita luzatzen diete hiru egileek beren hiru istorio desberdinekin.
FITXA ARTISTIKOA
Egileak: IGNACIO GARCÍA MAY, IGNACIO DEL MORAL eta ERNESTO CABALLERO
Zuzendaritza: ERNESTO CABALLERO
Interpreteak:
AITANA SÁNCHEZ-GIJÓN
JOSÉ LUIS ESTEBAN
ESTHER ACEVEDO
BORJA LUNA
Talde artistikoa
Eszenografia JOSÉ LUIS RAYMOND
Jantziak ANA SEBASTIÁN DELGADO
Argiztapena PACO ARIZA
Soinu-espazioa IGNACIO GARCÍA
Ekoizpena: TEATRO EL CRUCE
[gallery link="file" orderby="ID"]
Posted in: 
0 iruzkin:
Post a Comment