SAREKO ELKARRIZKETA: Carmen Lomana

Elkarrizketa: Julen Hernandez Esnaola

Asko izan dira Kapuko Aldizkaria-n parte hartu nahi izan duten pertsonai   publikoak. Eta ez da gutxiago izan azken aldi honetan telebistan arrakastaz-arrakasta dabilen Carmen Lomana. Gure aldizkariari eskainitako elkarrizketa esklusibo honetan sakonago ezagutu ahal izango dugu emakume polifazetiko hau. Elkarrizketa bere osotasunean irakurri nahi baduzu Sareko Edizioa-n sartu. Gogoratu, www.kapukoaldizkaria.tk eta bertan Sareko Edizioa-n egin ezazu click.

Nola iristen da finantza munduko emakume bat telebistara?

Valentinok lana utzi zuenean, ni Parisen nengoen, denboraldi luzeak pasatzen baititut bertan. Lujan Arguellesek deitu zidan eta Valentinori buruz telebistarako erreportaje bat egin nahi zidala esan zidan. Nik ez nuen nahi, baina azkenean etortzeko esan nien. Hainbat erosketa egin behar nituen eta nirekin etorri ziren egun osoan zehar. Valentinoren azken desfilera ere eraman nuen Lujan. Hori izan zen telebistan agertu nintzen lehen aldia. Baina ezin izan nuen ikusi Balin nengoelako. Hala ere, badakit arrakasta handia izan zuela Antena3-rako puntodoc izeneko programa berezi hark.

Punk mugimendua bizi izan zenuen Londresen gaztetan eta beranduago balsa dantzatu zenuen MQB telebista saioan. Emakume polifazetikoa zara?

Asko! Oso aldakorra naiz, eta hori da bizitzan gustatzen zaidana. Ezin gara leku batean posizionatu eta bertatik ez mugitu. Bizitzan dibertigarriena abenturatzea da eta erronka pertsonalak gainditzea. Hori bai, bakoitzaren esentzia galdu gabe, eta betiere, hezkuntza eta baloreak galdu gabe.

Baloreez hitz egiten… Las Joyas De La Corona telebista programan baloreak irakatsi dituzu eta zure Los 10 Mandamientos De La Mujer 11 liburuarekin pertsona bakoitzari etekina ateratzen erakutsi duzu. Nahikoa da pauso hauek jarraitzea pertsona dotore bat izateko?

Esandakoa hitzetik hortzera jarraitzen baduzu… agian. Baina nik uste dut elegantzia barnetik datorrela, arimaren elegantzia. Eta hori da oinarri sendoena. Baina kulturak, bizitzak erakusten duenak eta bihotzeko minak egiten du garena. Hori guztia fisikoa ahaztu gabe, horrek egiten baitu presentzia handia izatea.

Arropa eta makillajeak laguntzen du?

Dudarik gabe. Bakoitzari on egiten diona zer den jakitea oso garrantzitsua da. Ni modan oso aldakorra naiz, eta badut estilo bat. Baina estilo horren barruan mugitzen jakin behar da. Gehien aspertzen nauena beti arropa berdinarekin joatea da. Ni adibidez, egun batean mini batekin joan naiteke, beste batean jeans batzuekin edo soineko batekin.

Nork eta nola animatu zintuen liburu hori idaztera?

Inoiz planteatu ez nuen gauza bat da hori. Editorial askotik deitu zidaten liburuak eskatzeko. Azkenean, lagun batek esan zidan editore batzuek nirekin hitz egiteko bazkari bat antolatu nahi zutela. Nire laguna zenez, baiezkoa eman nion. Bazkaria ondo joan zen. Espasako jende hura oso jatorra zen, baina ezer gehiago. Hori bai, hurrengo egunean nire etxera izugarrizko lore sorta bat iritsi zitzaidan eta ohar bat zekarren: “Lo pasamos muy bien. Tus editoras”. Hori erabakigarria izan zen. Grazia asko egin zidan, ‘editoreak baditut… orain liburua idatzi beharko dut’. Eta udan Madriden gelditu behar izan nintzenez Las Joyas De La Corona egiteko,  liburua egiteko aprobetxatu nuen.

Eta beste bat idatziko duzu?

Hori nahi dute, baina nik ezin dut. Ez dut astirik. Deskantsu apur bat ere ondo datorkit. Agian aurrerago zerbait idatziko dut, baina zerbait desberdina egin nahi dut. Landuagoa. Nobela bat edo.

Los 10 Mandamientos De La Mujer 11 liburuko anekdotaren bat kontatu dezakezu?

Abuztu erdialderako entregatu behar nuen liburua eta presaka ibiltzeaz gain, bukatzeko denborarik ez nuelako, zuzentzaile guztiak oporretan zeuden. Beraz, liburu hau ez du inork zuzendu. Hasieratik bukaerara nire hitzak dira, eta egia esan, hori esan ahal izatea oso pozgarria da.

Munduko hiri askotan egon zara. Zein pertsona iruditu zaizu benetan interesgarria?

Jende asko, baina guztiak anonimoak dira. Jendea izugarrizkoa iruditzen zait, haien pertsonalitatea eta kulturagatik. Duela gutxi New Yorkeko jatetxe batean lagun talde batekin afaltzen nengoela, beste gizon bat etorri eta nik ateratako gaiaren inguruan historiako disertazio harrigarri bat egin zigun. Horrelako jendearekin bai pasatzen dudala ondo, zerbait ematen didate. Buruan teknologia baina gehiago duen jendea dago, irakurtzeaz arduratu eta kultura asko duena. Azken finean, ez bagara humanistak eta ez bagara kulturaz arduratzen, ez gara inor. Matematiko, programadore ala kimikari ona izatea oso zaila da, baina hitz egiterako unean, kultura letretan dago.

Zer gustatuko litzaizuke egitea telebistan?

Magazine propio bat izatea gustatuko litzaidake. Tendentziak, moda, kultura, zine eta antzerki estreinaldiak, jatetxeak… Munduan zer gertatzen ari den azaltzen duen programa bat. Jendea operara eraman ahal izatea, Fenice, Venecia, Milan edo New York bezalako lekuetara. Hori da gustatuko litzaidakeena.

Eta amaitzeko. Programa hori izan dezakezula uste duzu?

Egia esan ez dakit. Orain telebista guztiak zabarkeria handiak egitera dedikatu dira. Oso telebista komertziala. Badirudi oraingoz ez dudala aukera gehiegi izango. Baina agian DIVINITY telebista kate berrian… Hala ere, asko dut ikasteko. Kamera baten aurrean hitz egiteak ez nau beldurtzen, baina ez dut gustuko denak batera hitz egiten hasten direnean. Guztiok eman nahi dugu gure iritzia eta ez da jakiten noiz eman.

Asko gustatuko litzaidake nik nahi dudan jendeaz inguratzea lanerako orduan. Zeren eta bada garaia jendaurrean nola jokatu behar dugun ikasteko. Adibidez, Las Joyas De La Corona saioan gustatuko litzaidake nire taldean influentzia gehiago izatea, hau da, nik aukeratutako jendearekin lan egin ahal izatea.