Kapuko aldizkariak eta KapukoTB-k abuztuaren 30tik irailaren 4ra bitartean Gasteizen antolatuko den FesTVal jaialdiaren jarraipen berezia egingo dute. Horretarako eguneko albiste eta berriak eskaintzeaz gain, sare sozialak erabiliz informazio guztia emango dute uneoro (Twitter (@kapukoT)). Jaialdian hainbat telesail eta telebistako programa ezagun estreinatuko dituzte. Han izango dira Julen Hernandez eta Izaskun Moyano astebetez, jaialdiko xehetasun guztien berri ematen. Ondoren Kapukoren zenbaki berezi bat kaleratuko da.
