Arriaga Antzokiko 2011-2012 denboraldia aurkeztu dute

Arriaga Antzokiko 2011-2012 denboraldia aurkeztu dute

Aste honetan aurkeztu dute Bilboko Arriaga Antzokiaren 2011-2012 denboraldiko programazioa. Aurten, aurreko urteetan bezala, genero ezberdinak programatu dituzte: antzerkia, opera, zarzuela, dantza, musika, zirkua... Emilio Sagik adierazi duenez denen neurrira egindako programazioa lortu nahi izan dute.

Aktore ezagun eta ez hain ezagunek zapalduko dute antzoki bilbotarreko eszenatokia. Besteak beste, aipagarriak dira: Hector Alterio, Joseba Apaolaza, Tomaž Pandur, Claudio Tolcachir, Aitana Sánchez-Gijón, Maribel Verdú, Concha Velasco, Josep Maria Pou, Juan Etxanobe,  Roberto Álamo eta Irene Escolar.

Ekoizpen propioak ere presentzia handia izango du aurten.  Ia genero guztietako ikuskizun bat ekoitzi baitu Arriaga Antzokiak. El cascanueces Igor Yebrarekin, Les Enfants Terribles izeneko opera, La corte del faraón eta Entre Sevilla y Triana zartzuelak  eta De ratones y hombres antzezlana.

Horrez gain, Cuartitos del Arriaga eta OLBErekin elkarkidetzan Opera txiki programekin jarraituko dute aurten ere.

Sarrerak uztailaren 11tik aurrera erosi ahal izango dira.

Read more »

Blanca Portillo Bilboko Arriaga Antzokian da ‘La Avería’ antzezlanarekin

Testua: Ander Barinaga-Rementeria

Argazkiak: Julen Hernandez eta Son Aoujil

[slideshow]

Urtarrilaren 21ean, Santanderren (Espainia) estreinatu zenetik, eta hainbat lekutan antzeztu ondoren, La Avería antzezlana Bilboko Arriaga Antzokian egongo da ikusgai gaurtik ostegunera bitartean. Antzezlan hau Friedich Dürrenmatt-en izen bereko ipuin baten oinarrituta dago, baina Fernando San Segundok egokitu du.

Izen handiko aktoreak arituko dira aktore lanetan Blanca Portilloren zuzendaritzapean: Daniel Grao, Fernando Soto, Jose Luis García Pérez, Asier Etxeandia eta Emma Suárez, antzezlaneko emakume bakarra.

Legegizon erretiratu batzuen inguruko istoriak aho zabalik eta pentsakor uzten du ikusleria antzezlanak irauten duen 2 ordu pasatxoan. Legegizon hauek astean behin euretariko baten etxean elkartzen dira justizia egiteko. Gau horretan baina, legegizonek Alfredo Traps ehungintza firma baten ordezkari orokorraren bisita izango dute. Blanca Portilloren hitzetan, orduan hasten da «bidai garratz, kritiko, ironiko eta tragikoa».

Lan honen bitartez, ikuslea justua denaz eta legezkoa denaz pentsatzera gonbidatzen dute, zuzendariak esan duenez, «legezkoa dena guztia ez baita justua».

Orain dela hamabost urte piztu zitzaion Portillori antzezlan hau egiteko gogoa, baina bidetik eskarmentu eta esperientzia gehiago batu arte ez du prestatzen hasi nahi izan. Erabaki horretaz harro dagoela adierazi du gaur goizean Bilbon eman duten prentsaurrekoan, orain dela hamabost urte egin izan balu, guztiz emaitza ezberdina izango litzatekelako.

Lan honekin «besteak epaitzeko dugun berezko gaitasuna eta geureak epaitzeko ezintasuna agerian geratzen dira» zuzendariaren hitzetan.

Arriaga Antzokiak Avance eta Entrecajas ekoiztetxeekin batera ekoitzi duen lan honek berezitasun bat izango du, biharko emanaldia pertsona itsuentzat egokituta egongo delako.

Read more »