2011/04/15

‘Crimen Perfecto’ antzezlana ikusgai da Donostiako Victoria Eugenian

[slideshow]

Testua: Joanes Segurola

Argazkiak: Julen Hernandez

Txalo Produkzioaken azken lana da Crimen Perfecto antzezlana eta Donostiako Victoria Eugenian ikusteko aukera izango da apirilaren 16 eta 17an. Víctor Condek zuzenduriko antzezlan hau Alfred Hitchcocken izen bereko filmean oinarritutako antzezlana da, nahiz eta ideia originala Frederick Knotena den. Horrez gain, ez da ohiko antzezlana. Izan ere, eszenan ez da antzezlanak kontatzen duen istorioa bakarrik ikusiko, interpretazioaren atzealdea osatzen duten hainbat atal ere ikusteko aukera izango baitu ikusleak.

Xabier Agirre Txalo Produkzioakeko zuzendaria oso pozik agertu da orain arte “Txaloren ekoizpen handiena” denak, Crimen Perfecto-k, jaso duen harrerarekin. Orain arte 30 emanaldi eskaini badituzte ere, datorren urteko ekainera arte emanaldiak eskainiko dituzte han eta hemen.
Antzezlan honetan, Tony Wendicek bere emazte Margotek duen diruaz jabetu nahi duen istorioa kontatzen da. Horretarako, bere emaztea hiltzea pentsatzen du, eta aspaldiko ezagun bati xantaia egiten dio hilketa gauzatu dezan. Baina plana gaizki ateratzen da eta Margotek hiltzailea hiltzen du. Hortaz, hasieran biktima izango zena, ustezko hiltzaile izatera pasako da. Gainera, ez da ahaztu behar antzezlanak duen berezitasunaz. Horren harira, Jorge Sanz protagonistetako batek honakoa esan du: “bi emanaldi dira emanaldi berean”.

Jorge Sanz bakarrik ez, Crimen Perfecto-ko protagonistak Elena Furiase eta Pablo Puyol ere badira, nahiz eta Antonio Albella eta José Sánchez-Orosak ere parte hartzen duten. Elena Furiaseren hitzetan, “antzezlana bisualki nahiko dibertigarria da”. Beraz, ikustea eta antzezlanaz gozatzea besterik ez da geratzen!

FITXA ARTISTIKOA

Zuzendaria: VÍCTOR CONDE

Interpreteak:

JORGE SANZ
ELENA FURIASE
PABLO PUYOL
ANTONIO ALBELLA
JOSÉ SÁNCHEZ-OROSA

Talde artistikoa:
Eszenografia: ANA GARAY
Argiztapena: CARLOS ALZUETA
Musika originala: MARC ÁLVAREZ
Jantziak: MIGUEL ÁNGEL MILÁN
Diseinu grafikoa eta argazkiak: JAVIER NAVAL
Ile-apainketa eta makillajea: FELICIANO SAN ROMÁN
Ekoizpena: TXALO PRODUKZIOAK